”MARLAS NI ROHA”

”MARLAS NI ROHA” 

Nas: Poda 15:13-17

Marlas ni roha sada hal na sangat mendasar do i di ngolu ni angka na marugamo. Ala ni i do disosohon Aposte Paulus tu huria na di Pillipi: ”Marlas ni roha ma hamu di bagasan Tuhan i”. Huulahi ma mandok: Marlas ni roha ma hamu”. (4,4). Molo sai boi hita marlas ni roha, na sai tahilala do pandonganion dohot panarihonon ni Debata di bagasan ngolunta. Ia mangolu pe hita ndang ala ni na adong di hita i mambahen hita mangolu, ia godang pe arta/sinamot di hita ndang ala ni kemampuanta mangalului i. Ngolunta on holan ala ni asi ni roha ni Debata do.

 

Tung pe sasahalak i mamora, pogos, marpendidikan manang ndang berkedudukan manang so berkedudukan, sude jolma ciptaan ni Debata do molo mangolu hita di bagasan na gok sitaonon, jala jotjot ngolunta ndang mardalan hombar tu keinginan, jotjot kecewa, saleleng boi dope hita marlas ni roha di bagasan Tuhan na patuduhon na adong dope panghirimon di hita.

 

Jamita on di enet sian poda ni Raja Salomo 15:13-17, na  paingothon paboa las ni roha i do na songon motor penggerak pahilas, pahisar, panaili, alai molo marsak roha margundukpong ma tondi. Di na mandalani ngolu hita pajotjothu do holan mamerang aha na masa tu hita saonari aha na terjadi di na humaliang hita. Ala ni i jotjot ma hita kecewa ala sai mengalami kegagalan, masa nang angka bencana, porang, mambahen hita mabiar, cemas dan bingung. Tangkas do i diantusi Raja Salomo, ala ni i ma didok: Roha na hilas pasihar, pamaili, alai molo marsak roha margundukpong ma tondi (ay 13). Angka sinta-sinta salah satu naluri alamiah ni jolma do i mangonjar jolma i, bertindak, berbuat, alai ringkot unang lupa hita di sude sinta-sinta na ringkot melewati pengujian. Si Adam dohot si Hawa marsinta-sinta asa gabe dos dohot Debata ala ni bage di oloi tawaran ni ulok i.

 

Apostel Paulus paingothon: Alai solukhon hamu ma Tuhan Jesus Kristus jala unang sarihon hamu dagingmuna laho manungguli hisaphisapna (Rom 13:14). Songon i panurat 1 Tesalonik paingothon: tangkasi hamu ma saluhutna, na denggan i ma tiop hamu (5:21). Roha na pantas mangalului parbinotoan, alai anggo bohi ni halak na oto lilian mida haotoon (Ay 14). Didok do Poda 9:10: Biar mida Jahowa do parmulaan ni hapistaran, jala parbinotoan ni angka na badia do hapantason.

 

Dibereng si Salomo do hinaringkot ni pengendalian diri na gabe hapataran ni haporseaon. Na gabe sada keterampilan  do pengendalian diri di ngolu na bermasyarakat, mangadopi hamajuon ni zaman nang na mangalului parbinotoan. Lumobi di na mandalani ngolu on ringkot situtu pengendalian diri asa boi sahat tu tujuan. Di Poda 14:30 didok: Ngolu tu pamatang do roha halambohon, alai manggagat tu holiholi do anggo roha pangiburuon. Songon i do Poda 21:23 didok: Manang ise mangaramoti pamanganna dohot dilana i ma na mangaramoti tondina maradophon hagogotan.

 

Dipaboa si Salomo do hasintongan na sederhana, ia ngolu ni angka na jahat sai susa do, alai ngolu ni halak na sai marlas ni roha marolopolop do (ay 15). Ndang boi torus mangolu jolmai, margogo, alai na boi ro do parsahiton, hagaleon, dohot parungkilon nang angka hamaolon na so umboto mandok mauliate tu Debata, ala sai holan mangasahon hagogoonna, hapistaranna, hamoraonna, i ma simbol ngolu ni jolma na jahat do i. Mamuji Debata mansai ringkot di ngolu on,nang pe ngolunta ndang berkecukupan, godang mangadopi masalah tongtong marlas ni roha jala marsabam ni roha. Perbaikan kesejahteraan ni ngolu ni margantung tu pusat ni diri do i ma roha na sonang.

 

Molo sai marlas ni roha di bagasan Tuhan Jesus hita denggan ma mardalan pardalananta, ulaonta, rohanta dohot pingkiranta. Roha na marlas ni roha gabe cerminan do i di aksi, otik manang godang, metmet manang balga, na jinalona di ngoluna tongtong berdampak positif tu angka dongan, huria nang masyarakat pe (ay 16-17). Amen.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s